رحلتي الى جورجيا شهر ابريل 2016



السلام عليكم ورحمة الله وبركاته

من باب رد الجميل نضع لكم بعض المعلومات التي قد تفيدكم

الرحلة كانت من 10 ابريل الى 20 ابريل .. وببدا من يوم الوصول

التكاسي الموجودة في مطار تبليسي من 15 الى 30 لاري وهذا الحد الاقصى .. انتبهوا من النصابين الموجودين

لن قالوا لي 70 لاري وبعد المكاسر اخذت واحد 30 لاري .. ويوم نزلت قال 30 دولار هههههه قلت خذا الاري واسكت ما فيه دولاررحلتي الى جورجيا شهر ابريل 2016 رحلتي الى جورجيا شهر ابريل

سكنت بفندق king david اول يومين والفندق في شارع اقشمنبلي وهو شارع جميل وكل ما تحتاجه موجود حتى قريب من مطعم تركي رايق اسمه supra

اول يوم تكاسي ورخيص مره وابعد مشوار ما يتعدى 10 لاري .. ثاني يوم اخذت سوري يوم كامل 50 دولار وطلعت لبحيرة السلحفاة ولمدينة متسختا القديمة

واخر النهار في الشاريني تمشي والروستافلي .. وزرت المياه الكبريتيه والشلال والتلفريك .. والميزه ان نهارهم طويل ..

اليوم الثالث وهو التوجه الى باتومي ولكن تفاجاة الصباح ان السواق صار عنده ظرف ..وكلمت مرشدة اخذت منها بكج مواصلات مدة اربع ايام

يوم روحه ويومين باتومي ويوم رجعه 250 دولار .. والطريق الى باتومي رائغ لكن سواقتهم تهور والسكن في باتومي اخذت فندق من البوكنق والفندق مره جميل اسمه ليو غراند هوتيل كازينو .. خمس نجوم

وانصح بهالفندق .. وتفاجاة يوم وصلت هناك ان السواقين عراقي ومصري وخذلك مشاكل وبنزل موضوع مستقل عنهم ..

وزرت في باتومي الحديقة الوطنية والتلفريك ومكان اسمه بترا على ما اظن زي القلعة قديمه وباعلى منظر رائع على البحر وعلى باتومي

والتمشي داخل المدينة واليوم الثاني طلعت للشلالات والمناظر عنده لا توصف والعجايز تبيع عسل واكلاتهم واخذت منهم رحلتي الى جورجيا شهر ابريل 2016 رحلتي الى جورجيا شهر ابريل

وبعده طلعت لقرية على حدود تركيا سارفي على ما اظن واشوفها عاديه وما تستاهل المشوار وبعده طلعنا للمدينة وتمشي واليوم الرابع الرجعه ..

لكن اللي يبي يروح لباتومي يطلع طيران او قطار احسن له من السواقين وارخص مره والتكاسي متوفره في باتومي وفيه ابو قاسم بمطعم مكه جدا محترم

خله يكتب لك الاماكن باللغة الجورجية لكل يوم واتفق مع اقرب تكاسي وخذ ارخص واحد وعش جوك .. وانفذ بجلدك عن السواقين العرب والجورجين المستعربين ..

الرجعه صارت لي افلام مع التكسي والمرشده والشقق اللي حاجزها من البوكنق .. يوم للنسيان رحلتي الى جورجيا شهر ابريل 2016 رحلتي الى جورجيا شهر ابريل

ما اطول عليكم ما سكنت وكلمت البوكنق وزحمه والطريق فاضي .. ورجعت للحب الفندق كنق دفيد ..

واليوم اللي بعده راحه مع بعض التمشيات واللي بعده جيت حديقة تبليسي للحيوانات والملاهي اللي عند برج الاذاعة ..

وبحر تبليسي ومريت القرية المائية لكن حصلتها مقفله واتوقع ما تفتح الا فالصيف.. واجواهم بارده بس مو حيل ,, وتبليسي مول جيته كذا مره

واتفقت مع سواق جورجي وطلعت غودوري من الصباح والرجعه ف المساء واخذته ب 60 دولار وصراحه رحلة ممتعه

مع الثلج والاجبال شي لا يوصف .. والتلفريك والدبابات الثلجية والطريق الى غودوري ممتع جدا . وكثيره الاماكن داخل تبليسي زرته من كثره صرت اضيع

وكلها موجوده في تقارير الاخوان .. واقول للرسبشن حق الفندق ويكتبها بورقة بلغتهم الجورجية ومع التكاسي اطلع لها وقوة اوراق ههههه ورخيص مره تكاسيهم واكاسرهم بعد

لكن اللغة مشكلتهم ومع الاوراق والترجمه تنحل .. واخر يومين سكنت بفندق city Avenue وقريب من فندقي الاول وقلت لتغيير وكلها ف البوكنق وكلها اربع نجوم

وصراحه م قدرت افارق شارع اقشمنبلي ممتاز جدا وهو اللي اعجبني مره وقلت خلني بنفس الشارع والفندق جديد وتعاملهم رائع ,,

لكن احس ف الصيف افضل وبكثير وباتومي بالذات لن فالاوقات هذي يعني ما زال فيه برد .. وهي مدينة ساحلية




السكن اعتمدت على البوكنق والمواصلات انصح بالتكاسي وابعدوا عن العرب وغيرهم واسعارهم الفلكية ..

وابعد مشوار داخل تبليسي ما يوصل 10 لاري .. لكن للامانة ما حبيت طبيعة الشعب وتعاملهم جاف مره لا رجالهم ولا حريمهم

والميزة اللي شفته الطبيعة والانهار والاثار القديمة الموجوده من الاف السنين .. والاسعار معقوله من سكن ومواصلات واكل ..

واشوف ما فيه ذاك الاهتمام بالسياح .. وغير الطبيعة الموجوده ف البلد ما جذبني شي للاسف ..

وبكتب موضوع عن السواقين ومشاكلهم لتفادي وايضا عن الشقق اللي من البوكنق ومشكلتي معاهم ..

لكي محد يقع فالاخطاء مثلي ..

واسف على الاطالة ودمتم سالمين