السلام عليكم
سافرت باكو أذربيجان
تاريخ 30-12-2016

وحبيت انبه على نقطة تاكسي الموجود لما تطلع برع المطار عند المواقف مباشره من تطلع من صالة القادمون
بتلاقي تاكسي رسميه كثيره واقفه ومنها تاكسي لندن مالهم وناس غير يتكسون

المهم واحد مِن التاكسي مال لندن قال السعر 20 منات
وانا كنت وصاحبي
راعي التاكسي رجال كبير في السن قلنا توكل على الله
طبعا كان يقول لا تيسيرون وَيَا الي يتكسون لأنهم علي بابا يعني حراميه

المهم وصلنا فندقنا والمسأفه تقريبا مال 30 دقيقه
لما نزلنا دفعنا ال 20 منات
قال لا. تعطوني 50
قلنا كيف ؟!
نحن متفقين 20 قال لا
20 لكل واحد قلت كيف هذا
المهم حجز شنطتنا وبند عليهم من الداخل ونحن كنّا برع
المهم صاحبي عَصّب ومن ها الكلام قال تعالوا بردكم المطار ومن ها الكلام
رديت دفعت لان ماعندنا وقت يوم ونص وبنرجع فدفعت

فحبيت انبه الكل بهاي النقطه
ويستعمل أفضل شي برنامج اوبر اضمن وأحسن